Victoriafestivalen 18.-19. juni

Arrangørane av årets Victoriafestival lovar to festivaldagar fullspekka med aktivitet og underhald. Festivalen kan skilte med tre utstillingar: Husflidsutstilling i Bui Kons, fotoutstilling på Kviteseid Brygge og skulptur/bilde i Kviteseid kunstforenings utstillingslokale Port Arthur med fylgjande program for fredagskvelden: Tekstil & keramikk: Kunsthandverkarane Bente Haugland & Ingun Dahlin  Minikonsert: Folkesongar Sondre Bratland  Mini - smak: Bakstekjerringane i Skreppa 

Både fredag og laurdag blir det Gatesjakk, med høve for både amatørane og proffane til å prøve seg. Fredag startar også fyrste del av Kajakk og Kanal, med instruksjon og trening i kajakk. Andre del av Kajakk og Kanal går laurdagen med kajakk-konkurranse.

Fredags kvelden blir det konsert med Johnsen & Nordberg. Dette blir garantert ei konsertoppleving med Bryggeparken stappfull av folk. Førehandssalet av billettar er i gang i Kviteseid Bok og Papir.

Laurdag går programpostane slag i slag i tillegg til Gatesjakk og Kajakk og Kanal:  Den store styrkeprøva i Pollen ved Bryggeparken, Talentkonkurransen Telemark Talent, buktalarshow og bryggefiske. Oppe i det heile blir Victoria helsa velkomen til byen.

Laurdagskvelden blir det ny festivalkonsert i bryggeparken. Denne gongen med  Ine Solstad , Miclos Blues BBQ og Spinning Foundation v/Kim Rune Hagen. 

Det blir servering frå telt i Bryggeparken begge dagane.