Opprydding i trafikkbiletet

Kviteseid kommune gjennomførte for kort tid sidan ei opprydding i trafikkbiletet i bryggeområdet og på Mylletorget. Ved oppmerking av parkeringsplassar, busstopp, gangfelt og trafikkareal er trafikktilhøva i Kviteseidbyen betrakteleg forbetra. Klarare køyremønster, meir effektiv parkering og tryggare ferdsel for gåande er resultatet.

Trafikken har vore nokså kaotisk på travle handledagar, og næringsdrivande og trafikkantane i området er svært nøgd med den oppgraderinga som har skjedd.