Handels- og servicesenteret Kviteseidbyen

Kviteseidbyen, den idylliske byen ved Telemarkskanalen. Regionalt administrasjonssenter for Vest-Telemark, kommunesenter i Kviteseid kommune og eit pulserande handels- og servicesenter.

I Kviteseidbyen finn du rundt førti næringsdrivande fordelt på dei fleste bransjar. Her driv daglegvarekjedane KIWI og Joker saman med spesialforretningar innan dame- og hereklær, barnetøy og sko. Her er jernvare, kvitevare og radio/TV-forretning. Byen har blomsterbutikk, bakeriutsal, bruktbutikk, bokhandel og bibliotek. Du finn gåvebutikk, gullsmedforretning, kafe, fargehandel og restaurant. Vidare finn du Statoil-stasjon, bilverkstad, motorservice og rørhandel. Du får det meste for hage- skog og landbruk. Her er blikkenslagarar, taksisentral, køyreskule og målkonsulent.

Du har smeden i smia og sylvsmeden i sylvsmia. Her er bunadsproduksjon og baking av brød og bakarvarer etter gamal, god oppskrift i håndtverksbakeriet. Du finn frisørar, solarium og fysioterapeut. Her er internettkafe, IKT-bedrifter og utviklingsselskap.

I byen finn du også politi, legesenter, tannklinikk, apotek og  post. Her er regionkontor for Gjensidige forsikring, forsikringsselskapet If, avisa Varden og Sparebanken Sør. Du finn advokatkontor og rekneskapskontor.

Byen har småbåthavn, gjestebryggje og servicebygg med toalett, dusj og vaskemaskiner. Du finn reisebyrå og turistinformasjon i sommarhalvåret. Kanalbåten Victoria trafikkerar bryggja i Kviteseidbyen frå mai til september.